Дотроос нь хийсэн ажил

2008 оны хямрал өнөөгийн дэлхийн эдийн засаг, санхүүгийн тогтолцооны сул талууд болон эдгээр нь яг хэрхэн ажилладгийг ойлгох боломжийг мэргэжлийн бус хүмүүст өргөнөөр олгосон. Маш сайн олон нийтэд зориулсан хялбаршуулсан баримтат кинонууд хийгдсэн бөгөөд тэдгээрийн нэг нь Дотроос нь хийсэн ажил юм (Inside job).

Нэг оюутан маань ийнхүү асуужээ

Багшаас нэг юм асууя: Монголын эдийн засгийн ирээдүйг та төсөөлж хэлж чадах уу. Ирээдүйгээ (vision) төсөөлж чадахгүй болохоор ямар боловсрол эзэмшүүлэх, эзэмших, яаж ажил дээр ажиллах гэх мэт амьдралын хэв маяг бүрэлдэхгүй байх шиг.

Монгол улсын ирээдүй бол залуус

Хүн амдаа хэр чанартай боловсрол олгосноос аливаа үндэстний эдийн засгийн хувь заяа маш их хамаардаг. Аливаа хүний мэдлэг боловсролоо ашиглан насан туршдаа олох орлогынх нь өнөөгийн үнэ цэнийг эдийн засагчид хүмүүн капитал гэж нэрлэдэг. Аливаа эдийн засаг дахь зам, гүүр, барилга байшин, тоног төхөөрөмж гэх мэт биет капитал зөвхөн энэхүү хүмүүн капиталтай зэрэгцэн оршиж байж л үнэ цэнэтэй зүйл болдог.